امریکی محکمہ خارجہ نے کہا ہے کہ امریکا پاکستان کو نہیں کہہ سکتا کہ انتخابات کیسے کرائے۔
امریکہ نے برطانوی جریدے اکنامسٹ میں شائع عمران خان کے مضمون کا جواب دے دیا۔
ترجمان امریکی محکمہ خارجہ میتھیو ملر نے پریس بریفنگ میں کہا کہ پاکستان کی مستقبل کی قیادت کا فیصلہ پاکستانی عوام نے کرنا ہے، امریکا کی دلچسپی جمہوری عمل میں ہے، ہم چاہتے ہیں کہ انتخابات پاکستانی قوانین کے مطابق آزادانہ اور منصفانہ ہوں، پاکستان سمیت دنیا میں کیسی ایک امیدوار یا پارٹی پر دوسرے کو اہمیت نہیں دیتے۔
میتھیو ملر نے عمران خان کے الزامات سے متعلق سوال کے جواب میں کہا بانی پی ٹی آئی کے الزامات بے بنیاد ہیں۔۔ پاکستان میں جمہوری اظہار اور متحرک جمہوریت کی حمایت جاری رکھیں گے۔
عمران نے برطانوی اخبار میں اپنے کالم میں الزام لگایا کہ ان کی حکومت امریکہ نے گرائی اور یہ کہ پاکستان میں انتخابات محض ڈھونگ ہیں، اگر شفاف انتخابات نہ ہوئے تو معیشت تباہ ہو جائے گی۔
