روس نے 2030ء تک ہر سال 32 ہزار ڈرون بنانے کا فیصلہ کیا ہے۔
غیرملکی میڈیا کے مطابق فروری 2022 سے یوکرین جنگ کے بعد سے روس بڑی تعداد میں ڈرون استعمال کرتا ہے۔
رپورٹس کے مطابق روس اور یوکرین دونوں ہی جنگی ساز و سامان کی تعداد بڑھا رہے ہیں۔
غیرملکی میڈیا کے مطابق روس کے ڈپٹی وزیراعظم کا کہنا ہے کہ 32500 ڈرونز کی تیاری موجودہ پروڈکشن سے تین گنا زیادہ ہے۔
ان کا کہنا ہے کہ اس قومی پروجیکٹ میں 7.66 ارب ڈالر کی فنانسنگ کی جائے گی اور اس حوالے سے مزید تفصیلات رواں ماہ سامنے لائی جائیں گی۔
رپورٹس کے مطابق اس وقت یوکرین جنگ میں روس سستی لاگت سے تیار ہونے والے ایرانی ڈرونز استعمال کر رہا ہے جن کی پیٹرول انجن کے باعث زیادہ آواز ہوتی ہے۔
