کوپن ہیگن: جنوبی کوریا کی کمپنی سامیانگ کے مشہور مصحالے دار نوڈلز ہیں تاہم ڈنمارک کی عوام کیلئے یہ مصالحے کچھ زیادہ ہی ہوگئے ہیں جس پر وہاں کی وفاقی وزارت خوراک نے اسے مارکیٹوں سے واپس اٹھانے کا اعلان کردیا ہے۔
میڈیا رپورٹس کے مطابق ڈنمارک کی وفاقی فوڈ ایڈمنسٹریشن نے اپنی ویب سائٹ پر اعلان کیا کہ وہ ملک کی تمام مارکیٹ سے کے 3گنا اسپائسی ہاٹ چکن، 2 گنا اسپائسی ہاٹ چکن اور ہاٹ چکن اسٹیو رامین نوڈلز کو ختم کررہے ہیں۔
اس فیصلے کی وجہ نوڈلز میں موجود کیپساسین کی اعلیٰ سطح کو قرار دیا گیا ہے، کیپساسین دراصل مرچ کا عرق ہے جو نوڈلز کو ایسا مصالحے دار ذائقہ فراہم کرتا ہے۔
تاہم دوسری جانب سامیانگ کمپنی نے اس حوالے سے بیان جاری کیا جس میں ان کا کہنا تھا کہ ہم سمجھ سکتے ہیں کہ ڈنمارک کی فوڈ اتھارٹی نے مصنوعات کو ان کے معیار میں خرابی کی وجہ سے نہیں بلکہ اس وجہ سے مارکیٹ سے اُٹھوا دیا ہے کیونکہ وہ بہت زیادہ مسالحے دار ہیں۔ تاہم یہ بات ضرور ہے کہ ان کی یہ مصنوعات عالمی سطح پر برآمد کی جاتی ہیں لیکن یہ پہلی بار ہے کہ مذکورہ وجوہات کی بنا پر انہیں کسی ملک کی مارکیٹ سے اُٹھا لیا گیا ہو۔
