دی ہیگ: آئی سی سی کرکٹ ورلڈ کپ لیگ 2 میں امریکا نے کینیڈا کو جیتنے کے لیے 305 رنز کا ہدف دے دیا۔
دی ہیگ میں کھیلے جانے والے ایونٹ کے 20 ویں میچ میں کینیڈا کی دعوت پر پہلے بیٹنگ کرتے ہوئے امریکا نے مقررہ 50 اوورز میں 4 وکٹوں کے نقصان پر 304 رنز اسکور کیے۔
امریکا کی جانب سے کپتان مونانک پٹیل نے 121 رنز کی ناقابلِ شکست شاندار اننگ کھیلی، شایان جہانگیر 57 رنز بنا کر ناٹ آؤٹ پویلین لوٹے۔ سُمیت پٹیل 63، اسٹیون ٹیلر 27، ایرون جونز 15 اور مِلند کمار 0 رن بنا کر آؤٹ ہوئے۔
کیجیڈا کی جانب سے سعد بن ظفر، ہرش ٹھاکر، پراگت سنگھ اور ڈِلن ہیلیگر نے 1، 1 وکٹ حاصل کی۔
