بالی ووڈ سپر اسٹارعالیہ بھٹ کا کہنا ہے کہ بالی ووڈ کی دنیامیں قدم رکھنے کےبعد ان کے وزن اور شکل وصورت پر بہت زیادہ تنقید کی جاتی تھی۔
بھارتی چینل کو دیے گئے ایک انٹرویو میں بالی ووڈ کی میگااسٹار نے کہا کہ جب میں نے اداکاری شروع کی تھی تو میں بہت موٹی تھی اور میرا رنگ اور چہرے کے خدوخال بھی ہیروئنوں والے نہیں تھے۔ حالانکہ بالی ووڈ میں قدم رکھنے سے پہلے مجھے اپنے اوپراعتماد تھا اور میں اپنے ظاہری لک پر مطمئن تھی۔ تاہم جب میں نے اداکاری شروع کی تو مجھےایک نئی صورت حال کا سامناکرنا پڑا، جس نے مجھے میرے خیالات بدلنے پر مجبورکردیا۔
عالیہ بھٹ کا کہنا تھا کہ امجھے اپنے کیریئرکی ابتدا سے ہی وزن اور شکل پر تنقید اور طنز کا نشانہ بنایا گیا۔ اوریہ اسی کا اثر ہے کہ آج تک وزن کم ہونے کے باوجود میں اسے برقرار رکھنے کی جدو جہد کر رہی ہوں۔ میرے دوست مجھے ڈائٹنگ چھوڑنے کامشورہ دیتے ہیں اور کہتے ہیں کہ لائف کو انجوائے کرو۔ لیکن میں اپنے آپ کے بالی ووڈ کے تقاضوں پر پورا اترنے کی کوشش کرتی رہتی ہوں۔
عالیہ بھٹ بالی ووڈ کی کئی ہٹ فلموں میں کام کرچکی ہیں۔ انہیں ان کی عمدہ اداکاری کے اعتراف میں کئی ایوارڈ بھی دیے جا چکے ہیں۔
