محکمہ تعلیم سندھ نے کراچی میں دفاعی نمائش کے پیش نظر مخصوص علاقوں میں تعلیمی ادارے چار دن تک بند رکھنے کا اعلان کردیا۔
کراچی میں قائم ایکسپو سینٹر میں منعقد ہونے والی دفاعی نمائش کے پیش نظر سیکیورٹی انتظامات سخت کرتے ہوئے محکمہ تعلیم سندھ نے 19 سے 22 نومبر تک کارساز، شارع فیصل اور حبیب براہیم روڈ پر قائم تعلیمی ادارے بند رکھنے کا اعلان کردیا ہے۔
محکمہ تعلیم سندھ نے اسکولوں، کالجوں کی بندش کا نوٹی فکیشن بھی جاری کردیا ہے، جس کے مطابق شارع فیصل، حبیب ابراہیم رحمت اللہ روڈ اورکارساز کے اطراف 19 سے 22 نومبر تک نجی اسکول اور کالج بند رکھے جائیں گے۔
قبل ازیں ڈی آئی جی ٹریفک نے کمشنر کراچی کو ایکسپو سینٹر کے اطراف قائم اسکول اور کالج بند رکھنے کے لیے خط لکھا تھا۔
