انڈر 19 ایشیا کپ کے ساتویں میچ میں پاکستان اور متحدہ عرب امارات کی ٹیمیں مدمقابل ہیں۔
دونوں ٹیموں کے درمیان میچ دبئی انٹرنیشنل کرکٹ اسٹیڈیم میں کھیلا جارہا ہے جہاں پاکستان کی بیٹنگ جاری ہے، یو اے ای نے ٹاس جیت کر فیلڈنگ کا فیصلہ کیا تھا، میچ میں قومی انڈر 19 ٹیم کی قیادت سعد بیگ کررہے ہیں۔
رواں ٹورنامنٹ میں یہ قومی انڈر 19 ٹیم کا دوسرا میچ ہے، اپنے پہلے میچ میں پاکستان نے روایتی حریف بھارت کو 43 رنز سے شکست دی تھی۔
دوسری جانب ٹورنامنٹ کا آٹھواں میچ بھارت اور جاپان کی انڈر 19 ٹیموں کے درمیان شارجہ میں جاری ہے، جاپان نے ٹاس جیت کر فلڈنگ کا فیصلہ کیا تھا، بھارت کی بیٹنگ جاری ہے۔
