ملک بھر میں سال 2024 کا آخری سورج طلوع ہو گیا، کراچی میں طلوع آفتاب کے حسین مناظر دیکھے گئے۔
اسلام آباد، ملتان اور پشاور سمیت دیگر شہروں میں بھی سورج نے رواں سال کی آخری کرنیں بکھیریں، اب دعا ہے سال 2025 امن وسلامتی اور خوشحالی کا سال ہو، شہری بھی نئے سال سے مزید ترقی کی امیدیں لگائے بیٹھے ہیں۔
دوسری جانب نئے سال کو خوش آمدید کہنے کیلئے دنیا بھر میں تیاریاں زور و شور سے جاری ہیں، 2025 کا سب سے پہلے آغاز نیوزی لینڈ سے ہو گا جہاں شاندار آتش بازی سے نئے سال کو خوش آمدید کہا جائے گا۔
سال نو پر ملک میں ہوائی فائرنگ کرنیوالا تھانے جائے گا، کراچی پولیس نے شہریوں کو وارننگ دے دی، ہوائی فائرنگ، آتش بازی، ون ویلنگ سے گریز کرنے کی ہدایت کی گئی ہے۔
حکومت سندھ نے دفعہ 144 نافذ کردی جبکہ لاہور پولیس نے بھی نیو ایئر پر منچلوں کو لگام ڈالنے کیلئے تیاری کر لی یہے۔
آئی جی پنجاب نے نیو ایئر نائٹ پر ہوائی فائرنگ اور ون ویلنگ کرنے والوں کیخلاف سخت کارروائی کا حکم دے دیا۔
