محکمہ موسمیات کے مطابق پاکستان کے مختلف علاقوں میں موسم سرد اور خشک رہنے کی توقع ہے، جبکہ وسطی اور جنوبی حصوں میں دن کے وقت تیز ہوائیں چلنے کا امکان ہے۔
اسلام آباد سمیت ملک کے بیشتر علاقے ٹھنڈے اور خشک رہیں گے، جبکہ پہاڑی علاقوں میں رات کے وقت شدید سردی کی پیشگوئی کی گئی ہے۔ خیبرپختونخوا کے شمالی اضلاع میں بھی درجہ حرارت میں نمایاں کمی آئے گی، جبکہ جنوبی اضلاع میں تیز ہوائیں چل سکتی ہیں۔
پنجاب میں زیادہ تر اضلاع میں خشک موسم برقرار رہے گا، لیکن مری اور گلیات میں سردی کی شدت بڑھنے کا امکان ہے۔ بلوچستان کے شمالی اضلاع میں بھی ٹھنڈ اور تیز ہواؤں کی پیشگوئی کی گئی ہے، جبکہ سندھ اور گلگت بلتستان میں موسم خشک اور سرد رہنے کی توقع ہے۔
