اسلام آباد: محکمہ موسمیات نے ملک کے مختلف علاقوں میں ہیٹ ویو کے بارے میں الرٹ جاری کیا ہے، جس میں کہا گیا ہے کہ 26 اپریل سے یکم مئی تک سندھ، جنوبی پنجاب اور بلوچستان میں درجہ حرارت میں 5 ڈگری تک اضافہ ہو سکتا ہے۔
بالائی پنجاب اور اسلام آباد میں بھی 27 سے 30 اپریل تک درجہ حرارت 4 سے 6 ڈگری زیادہ رہنے کی توقع ہے، جبکہ آزاد کشمیر اور گلگت بلتستان میں بھی اسی دوران 4 سے 6 ڈگری کا اضافہ متوقع ہے۔
یکم مئی سے ہیٹ ویو کی شدت میں کمی آنے کی امید ہے، اور ملک کے بالائی علاقوں میں بارش کے ساتھ ژالہ باری بھی ہو سکتی ہے۔
