لاہور: ملک میں بارش برسانے والا سسٹم کب داخل ہوگا، اس حوالے سے محکمہ موسمیات کی پیش گوئی کے مطابق 12 مارچ سے بارش برسانے والا سسٹم پاکستان میں داخل ہوگا۔
اس وقت صوبائی دارالحکومت لاہور سمیت پنجاب بھر میں خشک موسم جاری ہے اور درجہ حرارت میں بتدریج اضافہ ہو رہا ہے۔ محکمہ موسمیات کے مطابق کل اتوار اور پرسوں پیر کو لاہور سمیت پنجاب کے بیشتر اضلاع میں بادل رہیں گے لیکن بارش کے امکانات کم ہیں۔
12 اور 13 مارچ کو لاہور سمیت پنجاب کے متعدد اضلاع میں بارش کے امکانات ہیں۔ آج لاہور میں کم سے کم درجہ حرارت 17 ڈگری جبکہ زیادہ سے زیادہ 27 ڈگری سینٹی گریڈ تک جانے کے امکانات ہیں۔
