لاہور: پنجاب میں آج موسم ابر آلود رہنے کی توقع ہے، جبکہ محکمہ موسمیات نے بارش کی پیشگوئی جاری کی ہے۔
محکمہ موسمیات کے مطابق، لاہور سمیت پنجاب کے متعدد اضلاع میں موسم آج ابرآلود رہے گا اور راولپنڈی، گجرانوالہ ڈویژن میں کہیں کہیں ہلکی بارش کے امکانات ہیں۔ لاہور میں بادلوں اور سورج کے درمیان آنکھ مچولی جاری رہے گی، لیکن بارش کے امکانات کم ہیں۔
پنجاب کے بیشتر اضلاع میں 11 سے 13 مارچ تک موسم ابر آلود اور بوندا باندی ہوسکتی ہے، جبکہ 14 اور 15 مارچ کو بارش کے امکانات ہیں۔ پی ڈی ایم اے نے 9 سے 16 مارچ تک بارشوں کی پیشگوئی کی ہے۔ لاہور میں گزشتہ روز موسم خشک رہا اور آج بھی بارش کے امکانات نہیں۔
