لاہور کے علاقے ستوکتلہ میں سالے نے اپنے بہنوئی کو رسیوں سے باندھ کر وحشیانہ تشدد کا نشانہ بنایا، جس کی ویڈیو وائرل ہونے کے بعد پولیس نے فوری کارروائی کرتے ہوئے ملزم کو گرفتار کر لیا۔ پولیس کے مطابق واقعہ دو روز قبل پیش آیا جب متاثرہ شخص یوسف کو اس کی بیوی میکے لے گئی، جہاں گھریلو تنازعہ کو جواز بنا کر سسرال والوں نے اس پر تشدد کیا۔ ویڈیو سامنے آنے کے بعد پولیس نے مقدمہ درج کر کے علی حسن نامی ملزم کو گرفتار کر لیا۔ ڈی آئی جی آپریشنز کا کہنا ہے کہ قانون ہاتھ میں لینے والوں کے خلاف سخت کارروائی کی جا رہی ہے اور شہریوں کے جان و مال کے تحفظ پر کوئی سمجھوتہ نہیں کیا جائے گا۔
