سابق بھارتی کرکٹر اور کوچ سنجے بانگر کے جنس تبدیل کرانے والے بیٹے نے بھارتی کرکٹرز کی جانب سے فحش تصاویر بھیجے جانے کا انکشاف کیا ہے۔
گزشتہ برس نومبر میں سنجے بانگر کا 23 سالہ بیٹا آریان اپنی جنس تبدیل کروانے کے بعد عنایہ بن گیا تھا، عنایہ نے سوشل میڈیا پر ہارمونل ٹرانسفارمیشن کے ذریعے اپنی جنس کی تبدیلی کا سفر شیئر کرنے کے بعد کافی توجہ بھی حاصل کی تھی۔
تاہم اب عنایہ بھارتی کرکٹرز سے متعلق کیے گئے انکشاف کے بعد ایک بار پھر خبروں میں ہے۔
برطانیہ میں مقیم عنایہ نے حال ہی میں دیے گئے ایک انٹرویو کے دوران بھارتی کرکٹرز سے متعلق چونکا دینے والا انکشاف کیا۔
دوران انٹرویو عنایہ نے جنس میں تبدیلی کی خواہش کے احساس سے متعلق سوال پر کہا کہ ’جب میں 8 یا 9 سال کی تھی تب میں اپنی والدہ کی الماری سے کپڑے نکال کر پہن لیتی تھی اور آئینے میں دیکھ کر کہتی تھی، میں لڑکی ہوں اور میں لڑکی بننا چاہتی ہوں‘۔
عنایہ نے بتایا کہ’ میں اب تک کئی مشہور کرکٹرز مشیر خان، سرفراز خان، یاشاسوی جیسوال کے ساتھ کھیل چکی ہیں لیکن خود سے متعلق رازداری برقرار رکھنی پڑتی ہے کیونکہ میرے والد ایک معروف شخصیت ہیں لیکن یہ حقیقت ہے کہ کرکٹ کی دنیا عدم تحفظ اور گندی مردانہ ذہنیت سے بھری ہوئی ہے‘۔
جنسی ہراسانی سے متعلق سوال پر عنایہ نے بتایا کہ ’ کچھ کرکٹرز ایسے بھی ہیں جنہوں نے پر مجھے اپنی فحش تصاویر بھیجیں ‘ ۔
عنایہ نے جنس تبدیلی کے بعد پیش آنے والے رویے پر بات کرتے ہوئے کہاکہ ’ ایک شخص ایسا بھی تھا جو سب کے سامنے مجھے گالی دیتا تھا لیکن پھر وہی شخص میرے پاس آکر بیٹھا کرتا اور میری تصویریں مانگتا تھا‘ ۔
