اسلام آباد: سپریم کورٹ کے آئینی بینچ نے مخصوص نشستوں کے کیس میں سنی اتحاد کونسل کی بینچ کی تشکیل پر اعتراضات کی درخواستیں مسترد کر دی ہیں۔
عدالت نے سنی اتحاد کونسل کی متفرق درخواستوں پر فیصلہ سناتے ہوئے کیس کی لائیو اسٹریمنگ کی اجازت دے دی ہے۔
سپریم کورٹ نے مختصر فیصلہ جاری کر دیا، جبکہ تفصیلی حکم نامہ بعد میں جاری کیا جائے گا۔
عدالت نے 26ویں آئینی ترمیم کی درخواستوں کے فیصلے کے بعد سماعت کرنے کی درخواست بھی مسترد کر دی ہے۔
سپریم کورٹ نے آئی ٹی ڈپارٹمنٹ کو کیس کی لائیو اسٹریمنگ کے انتظامات کرنے کا حکم دیتے ہوئے سماعت پیر تک ملتوی کر دی ہے۔
