پشاور: سونف کو زمانہ قدیم سے طبی لحاظ سے صحت کے لئے فائدہ مند سمجھا جاتا ہے‘جو کہ متعدد امراض کی روک تھام میں مدد دے سکتی ہے‘اسے خام شکل میں کھایا جائے یا چائے کی صورت میں فائدہ ہر بار ہوتا ہے‘۔
سونف میں موجود آئل کو ادویات میں بھی استعمال کیا جاتا ہے‘مگر کیا آپ نے کبھی سونف کی چائے پی ہے؟ اسے بنانا بہت آسان ہے‘1 سے 2 کھانے کے چمچ سونف کو پیس لیں اور اسے ایک کپ میں ڈالنے کے بعد اس میں گرم پانی شامل کر دیں‘ اس کپ کو ڈھانپ دیں اور دس منٹ کیلئے ہلائیں‘اس کے بعد چھان لیں اور چائے سے لطف اندوز ہوں، اگر دل کرے تو کچھ مقدار میں اس میں شہد کا اضافہ بھی کردیں۔
یہ چائے وٹامن اے‘سی اور ڈی کیساتھ ساتھ اینٹی آکسائیڈنٹس سے بھی بھرپور ہوتی ہے‘جس کے فوائد درج ذیل ہیں۔
چونکہ سونف نظام ہاضمہ کے عمل کو بہتر بناتی ہے، اسی لئے یہ غذائیت کو جزو بدن بنانے کا عمل بھی بہتر کردیتی ہے‘اس طرح نقصان دہ اجزاء جسم سے خارج ہوجاتے ہیں‘اسی طرح جسم میں گلوکوز کی سطح بھی متوازن رہتی ہے۔
یہ بے وقت کھانے کی خواہش کو قابو میں کرتی ہے‘ جبکہ جسم میں اضافی سیال کو بھی خارج کردیتی ہے۔
جگر صحت مند ہو تو کولیسٹرول کے ٹکڑے زیادہ بہتر طریقے سے ہوتے ہیں‘سونف ان غذاؤں میں سے ایک ہے جو جگر کے افعال کو مناسب طریقے سے مدد کرنے میں مدد دیتی ہیں‘جبکہ دل کی دھڑکن بہتر ہوتی ہے۔
سونف بینائی کو بہتر کرنے کیلئے بھی فائدہ مند ہے‘اس میں موجود وٹامن سی بینائی کو بہتر بنانے میں کردار ادا کرتا ہے۔سونف میں موجود آئل ورم کش خصوصیات رکھتے ہیں اور جلدی مسائل جیسے کیل مہاسوں کے علاج میں مدد دیتا ہے‘سونف جلد میں موجود اضافی سیال کو خارج کردیتی ہے جو کہ کیل مہاسوں کی شکل اختیار کرتے ہیں۔
سونف ذیابیطس کے شکار افراد کو اس مرض سے لڑنے میں بھی مدد دیتی ہے، وٹامن سی اور پوٹاشیم کے باعث یہ بلڈ شوگر لیول کو کم کرتی ہے‘جبکہ انسولین کی سرگرمیوں میں اضافہ کرتی ہے‘ جس سے بلڈ شوگر متوازن رہتا ہے۔سونف جراثیم کش خصوصیات کے باعث مسوڑھوں کو بھی مضبوط بناتی ہے‘جس سے ورم یا سوجن کی روک تھام ہوتی ہے۔
سونف مسلز کو ریلیکس کرنے کے ساتھ بائل کے بہاؤ کو حرکت میں لاتا ہے‘جس سے درد کم ہوتا ہے اور نظام ہاضمہ بہتر ہوتا ہے‘سونف کا استعمال جسم سے گیس کو بھی خارج کرتا ہے اور پیٹ پھولنے کا مسئلہ حل ہوتا ہے۔
