بھارت کے معروف کوریوگرافر گنیش اچھاریا نے 98 کلو وزن کم کرکے سب کو حیران کردیا اور اب ان کا وزن 200 کلو سے 102 کلو پر آ گیا ہے۔
بھارتی کوریوگرافر حال ہی میں معروف کامیڈی شو 'دی کپل شرما شو' میں جلوہ گر ہوئے تھے جہاں انہوں نے بتایا کہ انہوں نے 98 کلو گرام وزن کم کیا ہے۔
انہوں نے بتایا ایسا ایک رات میں نہیں ہوا بلکہ وہ گزشتہ کئی سالوں سے روزانہ مستقل مزاجی سے ورک آؤٹ کر رہے ہیں۔
گنیش اچھاریا نے مزید بتایا کہ وزن کم کرنے کے لیے انہوں نے ایک پرسنل ٹرینر بھی رکھ لیا تھا جس کی وجہ سے انہیں وزن کم کرنے میں کافی مدد ملی۔
گنیش اچھاریا اپنے انسٹاگرام اکاؤنٹ پر بھی ورک آؤٹ کرنے کے ساتھ ساتھ اپنے اس سفر سے متعلق تصاویر اور ویڈیوز پوسٹ کرتے رہتے ہیں۔
خیال رہے کہ کوریوگرافر گنیش اچھاریا کو بہترین کوریوگرافر کے ایوارڈ سے بھی نوازا جاچکا ہے۔
