کارپیٹ یا قالین کو عام فرش کی خوبصورتی بڑھانے کا ذریعہ بھی کہا جائے تو غلط نہ ہوگا لیکن اگر دنیا کے ہر آرٹسٹ کے پاس ہسپانوی آرٹسٹ سیلو اپاریکو جیسی مہارت آجائے تو عین ممکن ہے کہ ہر شخص گھر میں قالین یا کارپیٹ کا استعمال بطور خوبصورتی ترک کر دے۔
سیلوا اپاریکا کا متعارف کردہ فرش ڈیزائن ہاتھ سے ڈیزائن کیا گیا ہے جس کو دور سے دیکھنے والے کسی بھی شخص کے لیے یہ یقین کرنا مشکل ہے کہ زیر نظر تصویر میں فرش کی خوبصورتی بڑھاتا یہ حصہ کوئی کارپیٹ یا قالین نہیں بلکہ فرش پر کیا گیا آرٹ ورک ہے۔
آرٹ ورک کے لیے آرٹسٹ نے لکڑی کے فرش کا انتخاب کیا جبکہ اس حیرت انگیز آرٹ ورک کی تکمیل کے لیے آرٹسٹ کو کئی دن محنت کرنا پڑی۔
واضح رہے کہ تین سال قبل میامی سے تعلق رکھنے والی ایک آرٹسٹ کی کارپیٹ اور قالین پر پینٹنگز بھی حقیقت کا گمان ہونے کے باعث خاصی مقبولیت حاصل کرچکی ہیں۔
