لاہور:پشاور زلمی نے پاکستان سپر لیگ سیزن 6کے لئے خصوصی ثقافتی کٹ لانچ کر د ی۔
خصوصی ثقافتی ٹریننگ کٹ میں پاکستان اور خیبر پختونخوا کی ثقافت اور خوبصورتی کو نمایاں کیا گیا ہے۔
چیئرمین پشاور زلمی جاوید آفریدی کا کہنا ہے کہ خصوصی ثقافتی کٹ کا مقصد دنیا بھر میں پاکستان اور خیبر پختونخواکی خوبصورتی اور ثقافت کو اجاگر کرنا ہے۔
ثقافتی کٹ میں پاکستان کی بلند ترین چوٹی کے ٹو،قومی جانور مارخور،قومی پھول چنبیلی،خوبصورت مقام مالم جبہ،خیبر پختونخوا کے درہ خیبر،پشاور کے اسلامیہ کالج،ایڈورڈز کالج اور گھنٹہ گھر کو نمایاں کیا گیا ہے۔
