اداکارہ مایا علی کا کہنا ہے وہ جس ہیرو کے ساتھ بھی اداکاری کرتی ہیں لوگ اس کے ساتھ ان کا نام جوڑ دیتے ہیں اوراسکینڈل بنادیتے ہیں۔
نجی ٹی وی چینل کے پروگرام میں ادکارہ مایا علی سے پروگرام کے میزبان احسن خان نے جب ان کے ڈرامہ کیرئیر کے دوران سامنے آنے والے اسکینڈلز پر سوال کیا تو جواب میں مایا علی کا کہنا تھا وہ جس ہیرو کے ساتھ بھی اداکاری کرتی ہیں لوگ اس کے ساتھ ان کا نام جوڑ دیتے ہیں اوراسکینڈل بنادیتے ہیں۔
مایا علی کا کہنا تھا کہ لوگوں نے عثمان خالد بٹ کے ساتھ کئی بار میرے اسکینڈلز بنائے اور اب شہریار منور کے ساتھ میرے اسکینڈلز بنائے جارہے ہیں۔
اداکارہ کا کہنا تھا کہ اس کا مطلب یہ ہے کہ میں ایک بہت اچھی ادکارہ ہوں کیونکہ جس کے ساتھ بھی کام کرتی ہوں لوگوں کو میری اس ہیرو کے ساتھ کیمسٹری اتنی اچھی لگتی ہے کہ وہ سب کو حقیقت محسوس ہونے لگتا ہے۔
دوران شو مایا علی کی جانب سے میزبان احسن خان کو بھی مزاحیہ لہجے میں تنقید کا نشانہ بنایا گیا اور انہوں نے کہا کہ صرف آپ( احسن خان )ہی وہ اداکار ہیں جن کے ساتھ میرا کوئی اسکینڈلز سامنے نہیں آیا جس کا مطلب ہے کہ احسن آپ میں کوئی کمی رہ گئی۔
