ایک نوجوان جاپانی خاتون بائیکر جو کہ سوشل میڈیا پر بڑے پیمانے پر فالوونگ بھی رکھتی ہیں ان کے حوالے سے حال ہی میں ایک حیرت انگیز انکشاف ہوا ہے کہ وہ خاتون نہیں بلکہ 50 برس کی عمر کا ایک مرد ہے۔
ایک برطانوی سوشل میڈیا اور انٹر ٹینمنٹ سوشل پبلشر ادارے لیڈبائبل کے مطابق مذکورہ بالا خاتون کا روپ دھارنے والا مرد ٹوئٹر پر 20 ہزار سے زیادہ لوگوں کی فالوئنگ رکھتا ہے۔
اسکے بارے میں یہ حقیقت اس وقت سامنے آئی جب انٹرنیٹ صارفین کو 11 فروری کو ایک تصویر ملی جوکہ اس سے کافی مشابہہ تھی اور ایسے نظر آرہا تھا کہ یہ کسی خاتون کی نہیں بلکہ درمیانے عمر کے مرد کی تصویر ہے۔
یہ بائیکر پابندی سے اپنی بائیک کے سامنے بنائی گئی تصاویر پوسٹ کرتا تھا، اور ایک طویل عرصے تک یہ راز ہی رہا کہ یہ خاتون نہیں بلکہ مرد ہے، اور پھر جاپانی ٹی وی شو نے اسے ٹریک کیا اور اس راز کو فاش کیا۔
