پاکستان کی سپر اسٹار ماہرہ خان کا کہنا ہے کہ ان کی نانی ان کا ہاتھ تقریباًروزانہ پڑھتی ہیں اور ہر بار ایک ہی بات کہتی ہیں۔
انسٹاگرام پر ماہرہ خان کی جانب سے گزشتہ روز اپنی نانی کی تصویر شیئر کرتے ہوئے ایک پوسٹ درج کی گئی۔
تصویر میں ماہرہ خان کی نانی کو ان کا ہاتھ پڑھتے دیکھا جاسکتا ہے۔
ماہرہ نے اپنی پوسٹ میں لکھا کہ بزرگ رحمت ہوتے ہیں۔
اداکارہ نے اپنی پوسٹ میں بتایاکہ میری نانی میرا ہاتھ تقریباً روزانہ پڑھتی ہیں اور ایک ہی بات روزانہ کہتی ہیں کہ’ دل تو اچھا ہے ‘۔
ماہرہ خان نے اپنی پوسٹ میں نانی سے اظہار محبت بھی کیا۔ پوسٹ کو تقریباً ڈیڑھ لاکھ بار پسند کیا گیا اور متعدد لوگوں نے اداکارہ کو کمنٹس بھی لکھے۔
