میناپولس کی عدالت نے سیاہ فام جارج فلائیڈ کے قتل میں سابق پولیس افسرڈیرک شاوین کو ساڑھے 22 سال قید کی سزا سنادی۔
جج پیٹر کیہل نے واضح کیاکہ سزاکسی ہمدردی، جذباتی وابستگی اورعوامی رائے پر نہیں بلکہ کیس کے حقائق کو سامنے رکھتے ہوئے قانون کے مطابق سنائی گئی ہے۔
دوسری جانب امریکی صدر جوبائیڈن نے سزا کو مناسب قرار دیا ہے۔
واضح رہےکہ سیاہ فام جارج فلائیڈکو گزشتہ برس مئی میں سفید فام پولیس افسر نے گردن پر گھٹنا رکھ کر ہلاک کردیاتھا۔
جارج فلائیڈ کی پولیس کے ہاتھوں ہلاکت کے بعد امریکا سمیت دیگر ممالک میں بھی سیاہ فام شہریوں نے شدید احتجاج کیا اور بلیک لائیوز میٹر کے نام سے تحریک چلائی گئی۔
