اسلام آباد:نائیجیریا کے باشندے کے پیٹ سے کوکین کے 71 کیپسول بر آمد ہوئے، جن کی عالمی مارکیٹ میں قیمت 2 لاکھ ڈالر لے لگ بھگ ہے۔
ذرائع کے مطابق اینٹی نارکوٹیکس فورس نے اسلام آباد انٹرنیشنل ایئرپورٹ پر بڑی کارروائی کرتے ہوئے منشیات اسمگلنگ کی کوشش ناکام بنا دی اور نائجیرین باشندے سے بھاری مقدار میں منشیات برآمد کرلی۔
اے این ایف کے مطابق نائیجیرین باشندے سے کوکین کے 71 کیپسول بر آمد ہوئے، جسے ملزم نے اپنے پیٹ میں چھپا رکھا تھا، برآمد شدہ مواد کی عالمی منڈی میں قیمت تقریبا دو لاکھ امریکی ڈالر کے قریب ہے، جو پاکستانی روپوں میں تقریباً ساڑھے 3 کروڑ روپے بنتے ہیں۔ اے این ایف نے ملزم کو حراست میں لے کر تفتیش شروع کردی ہے۔
