پاک فضائیہ نے 1971 کی جنگ کے غازیوں اور شہداء کو خراج عقیدت پیش کرنے کے لیے دستاویزی فلم جاری کر دی ہے۔
ترجمان پاک فضائیہ کا کہنا ہے کہ 1971 کے جری کارناموں پر مبنی مختصر دورانیے کی دستاویزی فلم کا اجراء کیا گیا ہے، دستاویزی فلم پاک فضائیہ کے شعبہ تعلقات عامہ نے تیار کی ہے۔
پاک فضائیہ کے ترجمان کا کہنا ہے کہ دستاویزی فلم میں جانباز ہوابازوں اور جوانوں کے کردار کو اجاگر کیا گیا ہے، پاک فضائیہ کے جوانوں نے دشمن کے خلاف جرات اور بہادری کی داستانیں رقم کی تھیں۔
ترجمان کا مزید کہنا ہے کہ وطن کے دفاع کیلئے جان کا نذرانہ دینے سے بڑا کوئی مقدس نصب العین نہیں ہے، دستاویزی فلم غماز ہے کہ ہمارے شہداء کی قربانیاں کبھی رائیگاں نہیں جائیں گی۔
پاک فضائیہ کے ترجمان کا کہنا ہے کہ ہمارے اسلاف کی عظیم، لازوال قربانیوں کو تاریخ کے جلی حروف میں یاد رکھا جائے گا۔
