راولپنڈی:شمالی وزیرستان کے علاقے اسپن وام میں سیکیورٹی فورسز کے آپریشن میں بارودی سرنگیں بنانے کا ماہر دہشتگرد ماراگیا۔
آپریشن دہشتگردوں کی موجودگی کی خفیہ اطلاع پر کیا گیا۔
پاک فوج کے شعبہ تعلقات عامہ (آئی ایس پی آر)کے مطابق شدید فائرنگ کے تبادلے میں دہشت گرد صدام مارا گیا اور اس کے قبضے سے اسلحہ اور گولہ بارود برآمد کیا گیا۔
مارا گیا دہشت گرد دیسی ساختہ بارودی سرنگیں بنانے کا ماہر تھا، اس کے علاوہ دہشتگرد صدام ٹارگٹ کلنگ، دہشتگردی،اغوا برائے تاوان میں بھی ملوث تھا۔
