سعودی وزیر داخلہ پرنس عبدالعزیز بن سعود بن نائف پاکستانی ہم منصب شیخ رشید احمد کی خصوصی دعوت پر پاکستان پہنچ گئے،جہاں وہ صدر مملکت عارف علوی،وزیراعظم عمران خان،اور اہم حکومتی اورسکیورٹی شخصیات سے ملاقاتیں کرینگے۔
ترجمان وزارت داخلہ کے مطابق سعودی وزیر داخلہ اپنے ایک روزہ دورہ پاکستان کے دوران اہم حکومتی اورسکیورٹی شخصیات سے ملاقاتیں کرینگے۔
ترجمان کے مطابق سعودی وزیر داخلہ صدرمملکت ڈاکٹر عارف علوی اوروزیراعظم عمران خان سے ملاقاتیں کرینگے، وزارت داخلہ کا بھی دورہ کرینگے اور اپنے ہم منصب شیخ رشیداحمد سے ملاقات کرینگے۔
وزارت داخلہ کے مطابق شہزادہ عبدالعزیز بن سعود بن نائف علاقائی صورت حال سمیت، سعودی عرب میں قید پاکستانیوں کی رہائی اور دیگراہم امور پر بات چیت کرینگے۔
