چین کی وزارت خارجہ کے ترجمان کا کہنا ہے کہ پاکستان نے جامعہ کراچی حملے کے ذمہ داروں کوکیفرکردار تک پہنچانے کی یقین دہانی کرائی ہے، کسی کوپاک چین دوستی کو سبوتاژ کرنے کی اجازت نہیں دیں گے۔
چینی وزارت خارجہ کے ترجمان وانگ وین بن نے میڈیا بریفنگ میں کہا کہ پاکستان اورچین کی دوستی اورتعاون کرسبوتاژکرنے کی کوششیں ناکام ہوں گی۔ پاک چین تعاون کو نقصان پہنچانے کی کسی بھی کوشش کو دونوں ملک نا کام بنادیں گے۔
انہوں نے کہا کہ یقین ہے پاکستان پاک چین تعاون یقینی بنانےکیلئے مزید مضبوط اقدامات کرےگا۔پاکستان نے چینی باشندوں، پراجیکٹس،تنظیموں کو موثر سکیورٹی فراہم کرنے کی یقین دہانی کرائی۔ پاکستان کراچی حملے کے ذمے داروں کو انصاف کے کٹہرے میں لانے کیلئے بھرپور تحقیقات کررہا ہے۔
