انقرہ میں ترک پاکستان بزنس کونسل سے خطاب کرتے ہوئے وزیر اعظم شہباز شریف کا کہنا تھا کہ دونوں ملکوں میں تجارت، عوامی رابطہ بڑھانے کے مواقع ہیں، پاک ترک تجارتی تعلقات کو سنجیدگی سے آگے بڑھانا چاہتے ہیں۔
ترکی کے تین روزہ دورے پر موجود وزیر اعظم شہباز شریف کی جانب سے ترک تاجروں کو پاکستان میں سرمایہ کاری کی دعوت دی گئی۔
انقرہ میں ترک پاکستان بزنس کونسل سے خطاب کرتے ہوئے شہباز شریف کا کہنا تھا کہ دونوں ملکوں میں تجارت، عوامی رابطہ بڑھانے کے مواقع ہیں، پاکستان ترکی کی کارسازی صنعت سے بھی فائدہ حاصل کرنا چاہتا ہے، توانائی کے شعبوں میں ترک سرمایہ کاروں کے لیے وسیع مواقع ہیں۔
شہبازشریف نے کہا ہے کہ پاک ترک تجارتی تعلقات کو سنجیدگی سے آگے بڑھانا چاہتے ہیں۔
شہباز شریف کا خطاب کے دوران کہنا تھا کہ تربیلا اور منگلا ڈیم میں 40ہزار میگاواٹ بجلی بنانے کی صلاحیت ہے۔
انہوں نے مزید کہا کہ پاکستان اور ترکی میں زبانیں الگ ہیں لیکن ثقافت ایک ہی ہے۔
