پیغام رسانی کے لیے استعمال ہونے والی مقبول ایپلی کیشن ٹیلی گرام نے پریمیئم سروس متعارف کروادی۔
ٹیلی گرام کی جانب سے پریمیئر سروس کا اعلان جون میں کیا گیا تھا اور اب اسے باضابطہ طور پر متعارف کروایا گیا ہے جس کی ماہانہ فیس ڈالرز رکھی گئی ہے۔
صارفین اب مختلف خصوصی فیچرز تک ماہانہ فیس کے عوض رسائی حاصل کرسکیں گے۔
سروس کو استعمال کرنے والے صارفین 2 جی بی کی بجائے 4 جی بی کی فائل بھیج سکیں گے اور ڈاؤن لوڈنگ اسپیڈ زیادہ تیز ہوگی۔
پریمیئم سروس استعمال کرنے والے صارفین ایک ہزار چینلز میں شمولیت اختیار کرسکیں گے اس وقت عام صارفین 500 سے زیادہ چینلز کا حصہ نہیں بن سکتے۔
اسی طرح پریمیئم صارفین 20 چیٹ فولڈز بنا سکیں گے، 10 اسٹیکرز سیو، 10 چیٹ پن اور 4 ٹیلی گرام اکاؤنٹ ایڈ کرسکیں گے۔
پریمیئم اسٹیکرز لائبریری تک رسائی، خصوصی ایموجی ری ایکشنز اور ہیڈ فون نہ ہونے پر وائس میسجز کو ٹیکسٹ میں بدلنے کی سہولت دیگر قابل ذکر فیچرز ہیں۔
ٹیلی گرام کے سی ای او پاویل ڈیورو نے واضح کیا ہے کہ مفت فیچرز بدستور مفت دستیاب ہوں گے اور نئے فیچرز بھی اسٹینڈرڈ صارفین کے لیے متعارف کرانے کا سلسلہ جاری رہے گا۔
