پشاور، نوشہرہ ،مردان اور ڈی آئی خان سمیت خیبرپختونخوا کے دیگر علاقوں میں بھی زلزلے کے جھٹکے محسوس کئے گئے،جبکہ لکی مروت میں زلزلے کے باعث مکان کی چھت گرنے سے ایک شخص جاں بحق ہوگیا۔
زلزلہ پیما مرکز کے مطابق ریکٹر اسکیل پرزلزلے کی شدت 6 ریکارڈ کی گئی۔زلزلے کا مرکز وسطی افغانستان میں تھا۔
زلزلے کے جھٹکوں سے خوف وہراس پھیل گیا اورلوگ کھلی جگہوں پرنکل آئے۔
لکی مروت میں رات گئے زلزلے کے باعث مکان کی چھت گرنے سے ایک شخص جاں بحق ہوگیا۔ پولیس کے مطابق کاشف عالم مقامی فٹبال ٹیم کا کھلاڑی تھا اورزلزلے کے وقت سویا ہوا تھا۔
