اسلام آباد کی ڈسٹرکٹ اینڈ سیشن کورٹ نے وزیراعلیٰ خیبر پختونخوا علی امین گنڈاپور کے خلاف آڈیو لیکس کیس میں وارنٹ گرفتاری برقرار رکھنے کا حکم دیا ہے۔
ایڈیشنل سیشن جج رانا مجاہد رحیم کی عدم دستیابی کے باعث کیس کی سماعت بغیر کسی کارروائی کے ملتوی کر دی گئی، جس کی وجہ سے علی امین گنڈاپور پر فرد جرم عائد کرنے کی کارروائی بھی مؤخر ہو گئی۔
عدالت نے کیس کی اگلی سماعت 6 مئی مقرر کی ہے۔ یاد رہے کہ علی امین گنڈاپور کے خلاف تھانہ گولڑہ میں مقدمہ درج ہے اور ان سمیت دیگر ملزمان اس کیس کا سامنا کر رہے ہیں۔
