ضلعی انتظامیہ نے خیبرپختونخوا کے اضلاع ٹانک، جنوبی اور شمالی وزیرستان میں 25 مارچ کو کرفیو نافذ کرنے کا اعلان کر دیا۔
انتظامیہ کے مطابق ٹانک میں ڈبرہ بازار، کوڑ قلعہ، خرگی، منزئی، کڑی وام ٹو جنڈولہ میں صبح 6 بجے سے شام 6 بجے تک کرفیو ہوگا، جبکہ جنوبی وزیرستان میں عزیز آباد چوک سے براستہ سرویکئی، جنڈولہ، کوڑ قلعہ، ڈبرہ تک کرفیو نافذ کیا جائے گا۔
جنوبی وزیرستان اپر میں آسمان منزہ لدھا، مکین، بی بی راغزئی، سراروغہ، کوٹکئی، جنڈولہ، بروند، مولا خان سرائے کے راستے بند ہوں گے، جبکہ شمالی وزیرستان میں رزمک تا گردئی، خرسیِن کے راستوں پر بھی کرفیو ہوگا۔
انتظامیہ کی جانب سے شہریوں کو ہدایت کی گئی ہے کہ وہ کرفیو کے دوران گھروں سے نہ نکلیں جبکہ باہر سے مذکورہ علاقوں میں آنے والے متبادل راستے اختیار کریں۔
