ضلعی انتظامیہ پشاور نے پاکستان کی موجودہ سیکیورٹی صورتحال کے پیشِ نظر سیکشن 144 کے تحت ضلع بھر میں ڈرونز اور کواد کاپٹرز کے اُڑانے پر فوری پابندی عائد کر دی ہے۔ یہ فیصلہ شہریوں کے جان و مال کے تحفظ، اہم تنصیبات کی سیکیورٹی، اور کسی بھی قسم کی افراتفری یا بدامنی کے خطرات کو روکنے کے لیے کیا گیا ہے۔
یہ پابندی 30 دن کے لیے نافذ العمل ہے اور خلاف ورزی پر تعزیراتِ پاکستان کی دفعہ 188 کے تحت قانونی کارروائی عمل میں لائی جائے گی۔ تمام شہری اس پابندی پر عملدرآمد کو یقینی بنائیں اور کسی بھی مشکوک سرگرمی کی صورت میں متعلقہ حکام کو فوری اطلاع دیں۔
