مردان کے علاقے لوند خوڑ میں خاندانی جھگڑے نے ایک دردناک شکل اختیار کر لی، جب ایک نوجوان طاہر نے طیش میں آ کر اپنی ماں اور بہن کو فائرنگ کر کے موت کے گھاٹ اتار دیا۔ پولیس کے مطابق ملزم طاہر، جو محنت مزدوری کرتا ہے اور شادی شدہ ہے، واقعے کے بعد فرار ہو چکا ہے۔ ابتدائی تفتیش سے پتہ چلا ہے کہ گھریلو تنازعات کافی عرصے سے جاری تھے اور طاہر کو اپنی ماں اور بہن کے رویے پر شدید غصہ تھا۔ پولیس نے مقتولہ کے شوہر محمد گل کی مدعیت میں مقدمہ درج کر کے چھاپے مارنے شروع کر دیے ہیں اور امید ہے کہ ملزم جلد گرفتار ہو جائے گا۔
