چینی خاتون نے پاکستان کی گلوکارہ حدیقہ کیانی کا مقبول گانا بوہے باریاں گا کر سب کے دل جیت لئے ، گانے کی ویڈیو سوشل میڈیا پر بھی خوب وائرل ہوگئی ہے
چین کے دارالحکومت بیجنگ میں واقع پاکستان ایمبیسی کالج کی ایک میوزک ٹیچر کی ویڈیو چین میں پاکستان کے سفیر معین الحق نے اپنے ٹوئٹر اکاؤنٹ سے شیئر کی ہے جس میں چینی خاتون نے دلکش انداز سے پاکستانی گلوکارہ حدیقہ کیانی کا گانا گایا۔
کالج کی میوزک ٹیچر کا نام مس وکی ہے، انہوں نے سریلے انداز میں یادگار گانا ‘بوہے باریاں’ گا کر سوشل میڈیا صارفین کا دل چیت لیا۔
چینی ٹیچر نے یہ پرفارمنس پاکستان کی 75 ویں یومِ آزادی کے موقع پر سفارت خانے کے زیرِ اہتمام پاکستان فوڈ اینڈ کلچرل فیسٹیول میں دی، ویڈیو میں دیکھا جا سکتا ہے کہ تقریب میں ہر عمر کے لوگ موجود ہیں۔
