ریاض: سعودی عرب کی کابینہ نے ولی عہد شہزادہ محمد بن سلمان کو سعودی خلائی کمیشن کا سربراہ مقرر کردیا۔
عرب میڈیا کے مطابق سعودی کابینہ کا الیمامہ شاہی محل میں ہفتہ وار اجلاس ہوا۔ اجلاس کی صدارت شاہ سلمان بن عبدالعزیز نے کی۔ سعودی خلائی کمیشن کے سربراہ ولی عہد شہزادہ محمد بن سلمان مقرر کیے گئے ہیں۔
عرب میڈیا کے مطابق اعلامیہ میں بتایا گیا ہے کہ کابینہ اجلاس میں سعودی عرب اور دیگر ممالک کے درمیان مذاکرات و ملاقاتوں پر گفتگو کی گئی۔
ولی عہد شہزادہ محمد بن سلمان نے پاکستانی وزیراعظم شہباز شریف سے ہونے والی ملاقات کی تفصیلات سے آگاہ کیا۔
اعلامیہ کے مطابق پاک سعودی سپریم کونسل کی ذیلی کمیٹیوں، سعودی چائنا کمیٹی پیش رفت کاجائزہ بھی لیا گیا۔ اجلاس میں سعودی خلائی کمیشن کی تشکیل سمیت متعدد قرار دادیں منظور کی گئیں۔
