اسلام آباد: فارما مینو فیکچررز ایسوسی ایشن نے خبردار کرتے ہوئے کہا کہ فارما کمپنیوں کے پاس خام مال ختم ہوچکا ہے، 15 دن میں مسئلہ حل نہ ہوا تو ادویات کی قلت ہوسکتی ہے۔
تفصیلات کے مطابق فارما مینو فیکچررز ایسوسی ایشن کے چیئرمین فاروق بخاری کا کہنا ہے کہ فارما کمپنیوں کے پاس خام مال ختم ہوگیا ہے۔
چیئرمین کا کہنا ہے کہ 700 فارما کمپنیوں نے ادویات کا خام مال بیرون ملک سے منگوایا ہے، حکومت ایل سیز کھولے تاکہ کمپنیاں اپنا مال اٹھا سکیں۔
انہوں نے خبردار کرتے ہوئے کہا کہ 15 دن میں مسائل حل نہ ہوئے تو ادویات کی قلت ہوجائے گی، نومبر سے اب تک 350 فارما کے کروڑوں ڈالرز کنسائنمنٹ پورٹ پر پھنسے ہیں۔
