واٹس ایپ نے ایک بار پھر 29 لاکھ بھارتی اکاؤنٹس پر پابندی عائد کرڈالی۔
میڈیا رپورٹ کے مطابق میٹا کی ملکیت والی میسجنگ پلیٹ فارم واٹس ایپ نے ایک بار پھر 29 لاکھ بھارتیوں کے اکاؤنٹس کو بند کردیا ہے۔
یہ بات بھارتی وزیر برائے آئی ٹی نے شکایتی پینل کمیٹی کو بتائی، انہوں نے بتایا کہ یہ اکاؤنٹ جنوری میں بند کئے گئے تھے۔
ادھر کمپنی ترجمان نے بتایا کہ مذکورہ اکاؤنٹ کے خلاف صارفین کی جانب سے موصول شکایت پر کارروائی عمل میں لائی گئی جس میں زیادہ تر بدسلوکی کرنے والے اکاؤنٹس کو بند کیا گیا۔
واضح رہے کہ ایلون مسک کے ٹوئٹر سی ای او بننے کے بعد سے بھارت اور ٹوئٹر کے درمیان سرد مہری کا سلسلہ جاری ہے۔
پہلے پہل ایلون مسک نے ٹوئٹر کے بھارتی نژاد سی ای او کو برطرف کیا، بعد ازاں ٹوئٹر نے بھارت میں کام کرنے والے نوے فیصد صارفین کو برطرف کیا جبکہ دس فیصد کو گھر سے کام کرنے کی ہدایت دی گئیں۔
یاد رہے کہ میسجنگ ایپ واٹس ایپ کے بھارت بھر میں 40کروڑسے زیادہ صارفین ہیں
