کینیڈا کا اسٹوڈنٹ ویزا لینے کے خواہشمند افراد کو امیگریشن، ریفیوجیز اینڈ سٹیزن شپ کینیڈا نے بڑی رعایت دیدی۔
ویب سائٹ پرو پاکستان کے مطابق امیگریشن، ریفیوجیز اینڈ سٹیزن شپ کینیڈا نے اسٹڈی ڈائرئجٹ اسٹریم پروگرام کے ذریعے درخواست دینے والے طلباء کے لیے انگریزی ٹیسٹ کے تقاضوں میں اہم تبدیلیاں کی ہیں۔
ویب سائٹ کے مطابق 10 اگست 2023 سے درخواست دہندگان کے پاس مختلف ٹیسٹوں کے انگریزی زبان کے نتائج جمع کرانے کا اختیار ہوگا۔
قابل قبول زبان ک مہارت کے امتحانات میں اب کینیڈین انگلش لینگویج پرافینسی انڈیکس پروگرام جنرل کینیڈین اکیڈمک انگلش لینگویج ٹیسٹ، پیئرسن ٹیسٹ آف انگلش اکیڈمک اور ٹیسٹ آف انگلش بطور فارن لینگویج شامل ہیں۔
کینیڈا نے یہ توسیع بین الاقوامی طلباء کو زیادہ لچک اور وسیع تر انتخاب فراہم کرتی ہے۔
PTE اور TOEFL کے نتائج خاص طور پر کینیڈا اور دیگر ممالک قبول کرتے ہیں، جبکہ IELTS اکیڈمک ٹیسٹ لینے والوں کی ضرورت میں ترمیم کی گئی ہے۔
اس سے پہلے امیدواروں کو ٹیسٹ کے تمام انفرادی بینڈز میں کم از کم 6.0 کا اسکور حاصل کرنا پڑتا تھا تاہم اب یہ لازم نہیں ہے۔
حکام کا کہنا ہے کہ ان تبدیلیوں کا مقصد کینیڈا میں تعلیم حاصل کرنے کے خواہشمند بین الاقوامی طلباء کے لیے درخواست کے عمل کو مزید قابل رسائی اور موافق بنانا ہے۔
