گاڑیوں کی رجسٹریشن اور ٹرانسفر کے حوالے سے لاہور سمیت پنجاب بھر میں موٹربرانچز بندرہیں گی، مراسلہ جاری کردیا گیا۔
تفصیلات کے مطابق ایڈیشنل ڈی جی ایکسائز نے پنجاب ری ویمپنگ کےلئے مراسلہ جاری کردیا ہے، جس کے مطابق لاہور سمیت پنجاب بھر میں موٹربرانچز میں اپگریڈیشن کی وجہ سے 5ستمبر تک بند رہیں گی۔
مراسلہ کے مطابق 2005 کےبعد پہلی دفعہ اپگریڈیشن کو نئے سسٹم پر منتقل کیا جائےگا، جبکہ 5ستمبر سے موٹروہیکل رجسٹریشن سسٹم کا دوبارہ آغاز کردیا جائےگا۔
مراسلہ کے مطابق یکم ستمبرکو سسٹم پر منتقلی کرکے چیک کیا گیا ہے جو ٹھیک پایا گیاہے،کسی قسم کی شکایات ہوئیں تو5ستمبر تک حل کرلیا جائےگا۔
