ای او بی آئی کے تحت پنشن کی رقم میں اضافے کا نوٹی فکیشن جاری کردیا گیا ہے۔
تفصیلات کے مطابق مشیر خاص اوورسیز پاکستانیز اور ہیومن ریسورسز جواد سہراب ملک نے کہا ہے کہ ای او بی آئی کے تحت پنشن حاصل کرنے والے افراد کیلئے رقم میں 17 فیصد اضافہ کیا گیا ہے۔
سماجی رابطے کی ویب سائٹ ایکس (سابقہ ٹوئٹر) پر اپنے تازہ پیغام میں ان کا کہنا تھا کہ پنشن کی رقم 8500روپے سے بڑھا کر 10 ہزار روپے کردی گئی ہے۔
انہوں نے بتایا کہ پنشن کی مذکورہ رقم میں اضافے کا اطلاق جولائی 2023سے نافذ العمل ہوگا۔ ستمبر 2023سے اضافہ کی گئی رقم پنشنرز تک پہنچنا شروع ہوگی۔
جواد سہراب ملک نے کہا کہ پنشن میں جولائی اور اگست کے واجبات بھی شامل ہوں گے، ان شاءاللہ نگراں حکومت کا یہ اقدام لاکھوں پنشنرز کے لیے فائدہ مند ثابت ہوگا۔
