ملائشیا کی باٹک ائر لائن نے پاکستان میں اپنے نیٹ ورک کو وسعت دینے کا اعلان کیا ہے۔
باٹک ائر آئندہ ماہ 31 اکتوبر سے کوالالمپور تا کراچی براہِ راست فلائٹس کا آغاز کر رہی ہے۔
باٹک ایئر کراچی اور کوالالمپور کے درمیان ہفتہ وار 3 پروازیں آپریٹ کرے گی۔
اعلامیے کے مطابق باٹک ائر کی پرواز او ڈی 135 کوالالمپور سے ہر منگل، جمعرات اور ہفتے کی رات پونے 8 بجے کراچی پہنچے گی۔
انہی 3 دنوں میں کراچی سے پرواز او ڈی 136 رات پونے 9 بجے کوالالمپور کے لیے روانہ ہو گی۔
واضح رہے کہ باٹک ائر لائن لاہور اور کوالالمپور کے درمیان پہلے ہی روزانہ براہِ راست نان اسٹاپ پروازیں چلا رہی ہے۔
ائر لائن نے اسٹوڈنٹس اور گروپ مسافروں کے لیے خصوصی پرکشش رعایت کا اعلان بھی کیا ہے۔
