ضلع نارروال کی تحصیل شکر گڑھ میں غیر قانونی طور پرمقیم افراد کے خلاف کریک ڈاؤن کے دوران غیرقانونی طورپرمقیم 21 افغان باشندوں کو گرفتار کرلیا گیا۔
ڈی ایس پی کے مطابق افغان باشندے غیر قانونی طور پر شکر گڑھ میں مقیم تھے۔
ڈی ایس پی سرکل شکر گڑھ نے بتایا کہ کریک ڈاؤن ریاض مارکیٹ ’ دین پور روڈ’ درمان پھاٹک اور سبزی منڈی کے علاقوں میں کیا گیا۔
واضح رہے کہ حکومت کی جانب سے پاکستان میں غیر قانونی مقیم تمام غیرملکیوں کو ملک چھوڑنے کے لیے 31 اکتوبر کی ڈیڈ لائن دیتے ہوئے کہا گیا ہے کہ یکم نومبرکے بعد ملک بدر کرنے کیلئے کارروائی کی جائے گی.
