ملکی تبادلہ مںڈیوں میں روپے کے مقابلے ڈالر کی قیمت میں اضافے کا سلسلہ آج بھی جاری ہے اور اس کے باوجود بھی اسٹاک ماکیٹ میں تیزی کا رجحان دیکھا جا رہا ہے۔
کاروباری ہفتے کے تیسرے روز کے دورانِ ٹریڈنگ اںٹر بینک میں 78 پیسے اضافے بعد ڈالر کی خرید و فروخت 282 روپے 25 میں جاری ہے۔
واضح رہے کہ گزشتہ روز ملکی تبادلہ مارکیٹوں میں ڈالر کا بھاؤ 281 روپے 47 یسے ریکارڈ کی گئی تھی۔
فارن کرنسی ڈیلرز کے مطابق اوپن مارکیٹ میں امریکی کرنسی کی قیمت فروخت 283 روپے ہے۔
دوسری جانب پاکستان اسٹاک ایکسچینج (پی ایس ایکس) میں تیزی کا تسلسل جاری ہے، سرمایہ کاروں کی جانب سے شیئرز کی خریداری کے باعث 100 انڈیکس 513 بڑھا ہے۔
100 انڈیکس 513 پوائںٹس اضافے کے بعد 52 ہزار 433 پر پہنچ گیا جو کہ گزشتہ روز 51 ہزار 920 پوائنٹس پر بند ہوا تھا۔
