گورنر خیبرپختونخوا نے نو منتخب وزیر اعلیٰ کی تقریب حلف برداری کی سمری پر دستخط کردیے، جس کے مطابق کل سہہ پہر 3 بجے تقریب منعقد ہوگی۔
گورنر حاجی غلام علی نے آئین کے آرٹیکل 130 کی شق 5 کے تحت نو منتخب وزیراعلیٰ خیبرپختونخوا علی امین خان گنڈاپور کی حلف برداری کی سمری پر دستخط کر دیے ہیں۔
حلف برداری کی تقریب کل (ہفتہ) سہہ پہر 3 بجے گورنر ہاؤس پشاور میں منعقد ہوگی اور گورنر حاجی غلام علی نومنتخب وزیر اعلیٰ علی امین خان گنڈاپور سے ان کے عہدے کا حلف لیں گے۔
اس موقع پر نگران صوبائی وزیر اطلاعات و تعلقات عامہ بیرسٹر فیروز جمال شاہ کاکاخیل بھی موجود تھے، نو منتخب وزیراعلیٰ خیبرپختونخوا کی جانب سے اپنا عہدہ سنبھالنے سے پہلے نگران کابینہ تحلیل کرنے کا اعلامیہ بھی جاری کر دیا جائے گا۔
