ٹرک سے نکلے کچرے میں 30،000 ڈالرز کی لاٹری نکل آئی

امریکی شہری جو کہ اپنے ٹرک کی صفائی کررہا تھا، اس میں اسے مہینوں پرانا لاٹری ٹکٹ مل گیا جس نے حیرت انگیز طور پر اسے 30،000 ڈالرز جتوادیے۔

میڈیا رپورٹس کے مطابق امریکی ریاست میری لینڈ سے تعلق رکھنے والے ایک شہری نے اس وقت غیر متوقع طور پر 30,000 کی لاٹری جیت لی جب وہ اپنے ٹرک کی صفائی کررہے تھے اور اس دوران انہیں کچرے میں سے مہینوں پرانا لاٹری ٹکٹ ملا۔

میری لینڈ کے نامعلوم شہری نے ’میری لینڈ لاٹری‘ کے حکام کو بتایا کہ اس نے اس واقعے کے بعد اپنے ٹرک کو صاف ستھرا رکھنے کا سبق سیکھ لیا ہے کیونکہ حالیہ صفائی کے نتیجے میں ہی اسے گاڑی سے نکلے کچرے میں سے 30,000 ڈالر کا میگا ملینز لاٹری ٹکٹ ملا ہے۔

وہ یہ جان کر حیران رہ گئے کہ ٹکٹ 30,000 ڈالرز کا تھا۔ انہوں نے کہا کہ میں اس رقم سے اپنے بلوں کی ادائیگی اور ریٹائرمنٹ کے بعد جو کہ بہت نزدیک ہے، کے لیے سرمایہ کاری کرنے کا ارادہ رکھتا ہوں۔