محکمہ موسمیات نے پیشگوئی کی ہے کہ آئندہ 2 روز کے دوران ملک کے بیشتر میدانی علاقوں میں گرم ترین لو چلنے کا امکان برقرار رہے گا جبکہ دوپہر کے دوران تیز اور گرد آلود ہوائیں چلنے کا بھی امکان ہے۔
محکمہ موسمیات کی رپورٹ کے مطابق گلگت بلتستان میں شام اور رات کے اوقات میں چند مقامات پر گرج چمک کے ساتھ مطلع جزوی ابر آلود رہنے کا امکان ہے جبکہ ملک کے بیشتر حصوں میں براعظمی ہوا کا شدید دباؤ برقرار رہے گا۔
پی ایم ڈی کے مطابق بالائی علاقوں میں ہوا کا دباؤ موجود ہے اور اگلے 2 دنوں کے دوران گرم ترین موسمی صورت حال برقرار رہنے کا امکان ہے۔
سب سے زیادہ درجہ حرارت موہنجو دڑو میں 53، جیکب آباد میں 52، دادو میں 51، خان پور، خیرپور، لاڑکانہ، پڈعیدن، سکھر، سبی، روہڑی میں 50، رحیم یار خان، بھکر، ڈیرہ غازی خان، کوٹ ادو، نواب شاہ میں 49، ملتان، ڈیرہ اسماعیل خان، تربت میں 48، سکرنڈ، بہاولپور، بہاولنگر، جھنگ، جوہر آباد، لیہ، نور پور تھل میں 47 ڈگری سینٹی گریڈ ریکارڈ کیا گیا۔
