پیجر اور واکی ٹاکی دھماکوں کے بعد اسرائیل کا لبنان پر براہ راست شدید ترین حملہ کردیا۔ اسرائیل کے سو سے زائد فضائی حملوں میں 70 سے زائد مقامات کو نشانہ بنایا گیا۔
تل ابیب نے دعویٰ کیا کہ حملے میں لبنان کے سو راکٹ لانچرز کو تباہ کیا ہے۔ دوسری جانب حزب اللہ کے سربراہ حسن نصراللہ نے کہا کہ اسرائیل تمام سرخ لکیریں پار کرکےاعلان جنگ کردیا، اب انتقام لیں گے۔
تفصیلات کے مطابق اسرائیل نے طیبہ، بلیدہ اور وادی بقا سمیت کئی علاقوں کو نشانہ بنایا ہے۔ صیہونی فوج نے حملوں میں حزب اللہ کے نے سو راکٹ لانچرز کو تباہ کرنے کا دعوی کیا۔
حزب اللہ کے سربراہ حسن نصراللہ نے کہا ہے کہ اسرائیل نے اعلان جنگ کردیا تمام سرخ لکیریں پار کرلیں اب حزب اللہ انتقام لے گی،حسن نصراللہ نے غزہ کی حمایت جاری رکھنے کے عزم کا اعادہ بھی کیا۔
لبنان میں پیجر واکی ٹاکی ریڈیو سیٹ اور سولر پینلز میں دھماکوں سے سیننتیس افراد جاں بحق اور تین ہزار سے زائد زخمی ہوئے تھے۔
