ضلع کرم میں قبائل کے درمیان لڑائی چھٹے روز بھی جاری رہی ، فائرنگ کے تبادلے میں مزید 6 افراد جاں بحق ہو گئے ، ہلاکتوں کی تعداد 36 ہو گئی۔
پولیس اوراسپتال ذرائع کے مطابق اپر کرم کے علاقے بوشہرہ میں گذشتہ ہفتے دو گھرانوں کے مابین مورچوں کی تعمیر پر فائرنگ کا تبادلہ شروع ہوا لیکن بروقت فائر بندی نہ ہونے کے باعث ضلع کے مختلف علاقوں میں لڑائی پھیل گئی۔
اس وقت پیواڑ، تری منگل ، کنج علیزئی ، مقبل پاڑہ چمکنی ،کڑمان، صدہ بالش خیل سنگینہ اور خارکلی کے علاقوں میں جھڑپوں کا سلسلہ جاری ہے۔
ذرائع کے مطابق تازہ جھڑپوں میں مجموعی طور 36 افراد جاں بحق اور 80 سے زائد زخمی ہوئے ہیں ، جھڑپوں کے باعث مین پشاور پاراچنار شاہراہ سمیت تمام آمد و رفت کے راستے اور تعلیمی ادارے ہیں۔
